Ich bin en echter Pälzerbu,
de stärkscht vun unsre Gass,
hei, wer die Pälzer Buwe kennt,
des is e edli Rass:
Kä Schlippsche un kän Krage a,
des is uns viel zu dumm,
mer fliechen jo de ganze Daach
im Chauseegrawe rum.
Horch do mol hie! Des klingt ganz pälzerisch,
holla-hia-ho!
Voller Witz un voller Schneid,
so babbeln do die Leit.
Vor so're Ausdruckweis
hot jedermann Reschpekt.
Des is un bleibt
de unverfälschte Pälzer Dialekt!
Zwää Buwe spielen Klickerles
un kriehn miteinanner Krach:
Bankert, geb mei Klicker her,
sunscht schlag ich der uff's Dach.
Geh häm du mit deim Krusselkopp
un wäsch der mol dei Lais.
Wann ich der uff de Zünder klopp,
dann drehscht du dich im Kreis.
Horch do mol hie! ...
Ei du Bangert, ei du scheeler,
ei du Rindvieh, du Kamel,
ei was bischte fer äner,
ei was gugschte dann so scheel?
Du hoscht jo in deim Lewe
noch kä Kannelwasser g'soff,
wann ich dich am Schlawitsche nemm,
dann saufscht es awwer doch!
Horch do mol hie! ...
Für die Pfälzer unter Euch sei angemerkt, dass dies natürlich nicht alle Strophen sind, es gibt noch zahlreiche mehr, auch unterschiedlich von Ort zu Ort.
"De pälzer Bu" zum Anhören
Ja, ich will das Lied hören (mp3 ca. 1,2 MB).
Da ich es gerne etwas lauter und schneller mag (siehe Musik), habe ich von dem Lied die Rockversion von Grashalm aus Ludwigshafen ausgewählt. Das Lied ist auf der CD "Worzle - 25 Jahre Folk und Folkrock in der Pfalz mit Siebenpfeiffer, Grashalm und Däumling" enthalten. Bei Interesse könnt ihr die CD direkt bei Pfalzrecords bestellen.